Байгууллага

Засгийн газрын 2016 оны “Аймгийн Засаг даргын Тамгын газрын бүтцийг шинэчлэн тогтоох тухай” 09 дүгээр тогтоол, Аймгийн  Засаг даргын 2016 оны 09 дүгээр сарын 27-ны өдрийн “Орон нутгийн өмчийн газар  байгуулах тухай” А/429 дугаартай захирамжаар худалдан авах ажиллагааны алба, Орон нутгийн өмчийн албыг нэгтгэн Орон нутгийн өмчийн газар болгон өөрчлөн байгуулагдан ажиллаж байна. Аймгийн  Засаг даргын 2018 оны 11 дүгээр сарын 16-ны А/806 дугаартай захирамжаар бүтэц орон тоо шинэчлэгдэн 8 албан хаагч 2 гэрээт ажилтанг томилон ажиллаж байна.

Эрхэм зорилго:

Төрийн болон орон нутгийн өмчийн хөрөнгөөр бараа ажил үйлчилгээ худалдан авах ажиллагааг төлөвлөх, зохион байгуулах, уг ажиллагаанд хяналт тавих  тайлагнах.

 Төрийн болон орон нутгийн өмчийн эрх, төрийн өмчийн эд хөрөнгийн талаар хууль тогтоох, гүйцэтгэх байгууллагын бүрэн эрх, төрийн өмчтэй хуулийн этгээд, түүний албан тушаалтны эрх хэмжээ, төрийн өмчийн талаарх бодлогыг хэрэгжүүлэх байгууллагын үйл ажиллагааны зарчим, журмыг тодорхойлохтой холбогдсон харилцааг зохицуулахад оршино.

   Үйл ажиллагааны үндсэн чиглэл: 

• Орон нутгийн өмчийн газар нь Төрийн болон орон нутгийн өмчийн тухай хууль, Төрийн болон орон нутгийн хөрөнгөөр бараа ажил үйлчилгээ худалдан авах тухай хууль бусад хууль тогтоомжид заасан  холбогдох чиг үүргийг орон нутагт хэрэгжүүлж ажиллах.

• Засгийн газрын үйл ажиллагааны хөтөлбөр, эдийн засаг нийгмийг хөгжүүлэх үндсэн чиглэл,бодлогын бусад баримт бичигт тусгагдсан зорилт, арга хэмжээг хэрэгжүүлэх.

• Төрийн болон орон нутгийн өмчийн эд хөрөнгийг эзэмших, ашиглах, хадгалах хамгаалалтыг сайжруулах хяналт шалгалт хийх орон нутгийн өмчийн хөрөнгийн талаар мэргэжил арга зүйн зөвлөгөө өгөх.
• Худалдан авах ажиллагааны талаар хууль тогтоомжийн хэрэгжилтийг хангаж ажиллах.