Мэдээ мэдээлэл
2018/09/28
“СУВИЛАХУЙН ТУСЛАМЖ ҮЙЛЧИЛГЭЭНИЙ ЧАНАРЫН ӨНӨӨГИЙН БАЙДАЛ, ЦААШДЫН ЧИГ ХАНДЛАГА” СЭДЭВТ ЭРДЭМ ШИНЖИЛГЭЭНИЙ ОЛОН УЛСЫН ХУРАЛ” БОЛЖ БАЙНА
АШУҮИС-ийн Дорноговь салбар сургуулиас аймгийн Засаг даргын Тамгын газартай хамтран “Сувилахуйн тусламж үйлчилгээний чанарын өнөөгийн байдал, цаашдын чиг хандлага” сэдэвт эрдэм шинжилгээний олон улсын хурал” өнөөдөр /2018.09.27/ зохион байгуулж байна. Хуралд АНУ, БНХАУ-ын ӨМӨЗО, Япон улсын төлөөлөл, Эрүүл мэндийн хөгжлийн төв, АШУҮИС-ийн Сувилахуйн сургууль, Сувилахуйн амьдрал төв, Дорноговь, Өмнөговь, Дундговь, Хэнтий, Дорнод, Сүхбаатар болон Говьсүмбэр аймгуудын нийт 20 гаруй эрүүл мэндийн байгууллагын 120 гаруй сувилагч, мэргэжилтнүүд хамрагдаж байна. Эрдэм шинжилгээний олон улсын хурлаар сувилагч, тусгай мэргэжилтний төгсөлтийн дараахи сургалтын өнөөгийн байдал цаашдын чиг хандлага, сувилахуйн боловсролд сувилагчийн оролцоо, үйлчлүүлэгчдэд эрүүл мэндийн боловсрол олгоход сувилагчдын гүйцэтгэх үүрэг, оролцоо, хөдөө орон нутагт ажиллаж буй сувилагч нарын нийгмийн асуудлын талаар хэлэлцэх юм.
2018/09/28
“ӨСВӨРИЙН АВРАГЧ-2018” ТЭМЦЭЭНД АЙРАГ СУМЫН ЕБ-ЫН 12 СУРГУУЛИЙН “АВРАХ” БАГ ТҮРҮҮЛЖ, БҮСИЙН ТЭМЦЭЭНД ОРОХ ЭРХТЭЙ БОЛЛОО
Аймгийн Боловсрол, соёл урлагийн газар, Улаан Загалмайн хороо, Гэр бүл хүүхэд, залуучуудын хөгжлийн газрын хамтран ерөнхий боловсролын сургуулийн ахлах ангийн сурагчдад аюулгүй амьдрах арга ухааны мэдлэг эзэмшүүлэн, гамшигт нэрвэгдэгсдийг аврах, өөртөө болон бусдад анхны тусламж үзүүлэхэд сургаж дадлагажуулах, тэсвэр хатуужилтай, хүнлэг энэрэнгүй хүмүүжил олгох зорилгоор “Өсвөрийн аврагч-2018” тэмцээнийг 2018 оны 09 дүгээр сарын 25-ны өдөр зохион байгууллаа. Тэмцээнд 9 сумын 12 багийн 84 сурагч хамрагдсанаас тэргүүн байрт Айраг сумын ЕБ-ын 12 сургуулийн “Аврах” баг тэргүүлж, бүсийн тэмцээнд орох эрхтэй боллоо. Дэд байрт Иххэт сумын ЕБ-ын сургуулийн баг, гутгаар байрт Замын-Үүд сумын ЕБ-ын 3 дугаар сургуулийн Баг тамирчид шалгарлаа.
2018/09/28
“ SPEAKER-2018” УРАН ИЛТГЭЛИЙН ТЭМЦЭЭНИЙ УДИРДАМЖ
НҮБ-ын Хүний эрхийн түгээмэл тунхаглал батлагдсаны 70 жилийн ой, Залуучуудын хөгжлийн сарын аяны хүрээнд өсвөр үе залуучуудын нийгмийн оролцоог нэмэгдүүлэх, өөрсдийн эрх, үүрэг, хариуцлагын талаарх мэдлэгийг дээшлүүлэх, залуучуудын дунд тулгамдаж буй асуудлыг тодорхойлох, илтгэлээс гарсан санал санаачилгад дэмжлэг үзүүлэхэд оршино. Шалгаруулалт: - Нэгдүгээр шат: Илтгэлд тавигдах ерөнхий шаардлагыг хангасан илтгэлийг хэвлэмэл байдлаар, иргэний үнэмлэх, товч танилцуулга анкетын хамт Гэр бүл, хүүхэд, залуучуудын хөгжлийн газар, Залуучуудын хөгжлийн төвийн байр 3 тоотод 2018 оны 10 дугаар сарын 02-ны 17:00 цагаас өмнө ирүүлнэ. Зохион байгуулах комисс ирүүлсэн илтгэлд оноо өгөх замаар шаардлага хангасан сэдэв агуулга тохирсон илтгэлийг 2-р шатанд хэлэлцүүлнэ. Ангилал тус бүрээс 8 илтгэлийг 2-р шатанд тэнцүүлнэ. - Хоёрдугаар шат: Шүүгчдийн бүрэлдэхүүн 2-р шатанд тэнцсэн оролцогчдын илтгэх ур чадвар, сэдэв агуулга, цаг баримтлах чадвар, судалгаа, гарц дүгнэлт зэргийг харгалзан ангилал тус бүрт эхний 3 байр эзлүүлнэ. Илтгэлд тавигдах ерөнхий шаардлага - Өгсөн сэдвийн хүрээнд онол арга зүйн болон практик талаас нь судлан тодорхойлж, төлөв байдал, хэтийн хандлагын талаар шинэ шийдэл, санааг дэвшүүлсэн байх - Мэдээлэл боловсруулах аргачлал болон бодит судалгаанд тулгуурласан байх - Зохиогчийн эрхийн зөрчилгүй судалгааны өргөн мэдээлэлд үндэслэсэн байх Илтгэлд тавигдах техникийн шаардлага - Илтгэлийг 3 нүүрэнд багтаасан байх ба хэвлэмэл болон цахим хаягаар илгээх боломжтой. - Илтгэлийн мөр хоорондын зай 1,5 цаасны хэмжээ А4 байх, үсгийн фонт Arial, хэмжээ 12-оор бичигдсэн байх - Ангилал тус бүрээс шалгарсан нийт 16 илтгэгч илтгэлээ PP-р бэлтгэсэн бол урьдчилан зохион байгуулах комисст өгөх боломжтой. /Заавал PP-бэлдсэн байхыг шаардахгүй/ - Тухайн илтгэлийн агуулгад нийцсэн нэмэлт материалыг хавсарган өгч болно. Цагийн зохион байгуулалт: - Илтгэгч үндсэн илтгэл 5-8 минут байна - Шүүгч болон оролцогчдоос асуулт, хариултын цаг 5 хүртэл минут байна Шагнал урамшуулал: - Насны ангилал тус бүрээр 1,2,3-р байр өргөмжлөл, мөнгөн шагналтай. - Сонирхолтой илтгэгч ангилал тус бүрээс 1 оролцогч шалгарах ба өргөмжлөл мөнгөн шагналтай . Холбоо барих цахим хаяг: Залуучуудын хөгжлийн төв Дорноговь Холбоо барих утас: 9090-0393, 99206066 И-мэйл хаяг: ordon7052@gmail.com
2018/07/07
ДОРНОГОВЬ АЙМАГ, БНХАУ-ЫН ӨМӨЗО ХООРОНДЫН СОЁЛ УРЛАГ, ЭРҮҮЛ МЭНД, БОЛОВСРОЛЫН ХАМТЫН АЖИЛЛАГААНЫ НЭЭЛТИЙН АРГА ХЭМЖЭЭ БОЛЛОО
Дорноговь аймаг, БНХАУ-ын ӨМӨЗО-ны хоорондын соёл урлаг, эрүүл мэнд, боловсролын хамтын ажиллагааны нээлтийн арга хэмжээ өнөөдөр /2018.07.07/ Сайншанд суманд боллоо Нээлтийн арга хэмжээнд УИХ-ын гишүүн Б.Дэлгэрсайхан, аймгийн ИТХ-ын дарга С.Түмэнбаяр, аймгийн Засаг дарга Т.Энхтүвшин, БНХАУ-ын ӨМӨЗО-ны намын дарга Ли Жи Хэн, БНХАУ-аас Замын-Үүд суманд суугаа ерөнхий консул Цай Вэнь Руй, БНХАУ-ын ӨМӨЗО-ны Үндэсний хөгжил, шинэчлэлийн хорооны дарга Гон Мин Жү болон бусад албаны төлөөллүүд оролцлоо. Арга хэмжээний хүрээнд БНХАУ-ын ӨМӨЗО-ны төлөөлөгчид Эрээн хотын буцалтгүй тусламжаар Дорноговь аймагт хийгдсэн бүтээн байгуулалтын ажлууд, Замын-Үүд дэхь Чөлөөт бүсийн үйл ажиллагаатай танилцаж, цаашид хоёр талын хамтын ажиллагааны талаар харилцан санал солилцох албан уулзалтыг зохион байгууллаа. Хамтын ажиллагааны хүрээнд хүүхэд залуусын тоглоомын талбайг нэмэгдүүлэх зорилгоор Замын-Үүд, Сайншанд, Эрдэнэ суманд нийт 6 ширхэг гадаа талбайн тоглоомыг гардуулан өглөө.
2018/05/23
ЕБС-ИУДЫН МӨНГӨН ХОНХНЫ БАЯРЫН АРГА ХЭМЖЭЭ БОЛЛОО
Сайншанд сумын ерөнхий боловсролын сургууль төгсөгчдийн мөнгөн хонхны баярын арга хэмжээ өнөөдөр /2018.05.23/ болж, аймгийн Засаг даргын орлогч Г.Эрдэнэцэцэг, АЗДТГ-ын дарга Б.Ганзориг болон АЗДТГ-ын НБХ-ын дарга Ч.Байгалтуяа нар оролцлоо. Аймгийн хэмжээнд ерөнхий боловсролын сургуулийн 12-р ангийн 839 хүүхэд, 9-р ангийн 1027 хүүхэд, 5-р ангийн 1261 хүүхэд, нийт 3127 хүүхэд төгсөж байна. Аймгийн Засаг даргын “Хөгжлийн төлөө хамтдаа” /2016-2020/ үйл ажиллагааны хөтөлбөр Суралцагчдын сурч, хүмүүжих таатай орчин нөхцөлийг сайжруулах зорилтын хүрээнд 2017-2018 оны хичээлийн жилд Замын-Үүд суманд 960 хүүхдийн хүчин чадалтай ЕБ-ын сургууль, АНУ-ын хөрөнгө оруулалтаар 50 хүүхдийн ортой цэцэрлэг, Хатанбулаг сумын Сулингийн цэцэрлэгийг тус тус барьж ашиглалтад оруулсан бол 2018-2019 оны хичээлийн жилд 1 хүүхдийн бага сургууль, 7 цэцэрлэг, 2 дотуур байрыг ашиглалтад оруулах юм.
2017/09/29
МЭНДЧИЛГЭЭ
Эрхэм хүндэт боловсрол, соёл, урлагийн байгууллагын удирдлагууд, ахмадууд, багш, уран бүтээлчид, ажилчид та бүхэн Дэлхийн багш нарын 21 дэх, Монголын багш нарын 51 дэх, Соёл урлагийн ажилтны 24 дэх удаагийн баяраа арвин туршлага, ажил хөдөлмөрийн дүүрэн амжилтаар угтацгааж байна. Дорноговь аймгийн боловсрол, соёл, урлагийн салбарынхан сурлага, урлаг, спортын өндөр амжилт гаргаж, сайхан амжилтын эзэд болж, аймаг орон нутгийнхаа нэрийг өндөрт өргөж байгаад Дорноговьчууд бид баяртай байна. Ахмад багш, уран бүтээлчид нь өсвөр үе, залуучууддаа онч мэргэн сургаалаа айлтгаж, залуучууд нь ахмадынхаа сургаалыг ажил үйлсдээ хэрэгжүүлж, нутаг орныхоо хөгжил дэвшилд үнэтэй хувь нэмрээ оруулан урам зоригтойгоор ажиллахын өлзийтэй ерөөлийг дэвшүүлье. Та бүхний үйлс өөдрөг, ирээдүй гэгээн байж, номын цагаан буян дэлгэрэх болтугай. Дорноговь аймгийн Засаг даргын Тамгын газар
2017/08/29
МОНГОЛ УЛС, ОХУ-ЫН ЗЭВСЭГТ ХҮЧНИЙ ХАМТАРСАН “СЭЛЭНГЭ-2017” БАЙЛДААНЫ БУУДЛАГАТАЙ ТАКТИКИЙН ХЭЭРИЙН СУРГУУЛЬ
МОНГОЛ УЛС, ОХУ-ЫН ЗЭВСЭГТ ХҮЧНИЙ ХАМТАРСАН “СЭЛЭНГЭ-2017” БАЙЛДААНЫ БУУДЛАГАТАЙ ТАКТИКИЙН ХЭЭРИЙН СУРГУУЛЬ Жил бүр уламжлал болгон зохион байгуулагддаг Монгол Улс, ОХУ-ын Зэвсэгт хүчний хамтарсан “Сэлэнгэ” хээрийн сургууль хоёр орны цэрэг техникийн хамтын ажиллагааг хөгжүүлэх, цэргийн алба хаагчид хоорондын туршлага солилцох, бүс нутаг дахь аюулгүй байдлыг хангахад хоёр улсын зэвсэгт хүчний оролцоог нэмэгдүүлэх ач холбогдолтой арга хэмжээ юм. Зохион байгуулалтын хувьд оролцогч талууд жил бүр хоёр улсын нутаг дэвсгэрт ээлжлэн явуулдаг бөгөөд 2013, 2014 онуудад Монгол Улсын Төв, Дорнод аймгуудад, 2015, 2016 онуудад ОХУ-д зохион байгуулагдаж байсан бол энэ жилийн сургууль “Говь, тал хээрийн нөхцөлд давших байлдааныг явуулах” сэдвээр Дорноговь аймгийн Сайншанд сумын Зүүнбаян баг дахь Зэвсэгт хүчний 336 дугаар ангийн хээрийн сургалтын төвийг түшиглэн зохион байгуулагдаж байна.
2017/08/28
АЙМГИЙН ЗАСАГ ДАРГА Т.ЭНХТҮВШИН АЙМГИЙН БОЛОВСРОЛ, СОЁЛ УРЛАГИЙН ГАЗАР, ЕРӨНХИЙ БОЛОВСРОЛЫН СУРГУУЛИЙН ЗАХИРАЛ, ЦЭЦЭРЛЭГИЙН ЭРХЛЭГЧ НАРТ ҮҮРЭГ ДААЛГАВАР ӨГӨВ.
АЙМГИЙН ЗАСАГ ДАРГА Т.ЭНХТҮВШИН АЙМГИЙН БОЛОВСРОЛ, СОЁЛ УРЛАГИЙН ГАЗАР, ЕРӨНХИЙ БОЛОВСРОЛЫН СУРГУУЛИЙН ЗАХИРАЛ, ЦЭЦЭРЛЭГИЙН ЭРХЛЭГЧ НАРТ ҮҮРЭГ ДААЛГАВАР ӨГӨВ. Аймгийн Засаг дарга Т.Энхтүвшин боловсролын хөтөлбөр, норм, нормативыг хэрхэн хэрэгжүүлж байгааг тогтоох, боловсролын сургалтын байгууллагын үйл ажиллагаа, сургалтын хөтөлбөрийн чанарт үнэлгээ хийх, дүгнэлт гаргах, хүүхдийн хөгжлийн ахиц дэвшлийг дэмжих, баталгаажуулах чиглэлээр мэргэжлийн удирдлагаар хангах, сургалтын чанар, хүүхэд төлөвшүүлэх, хамгаалах, хөгжүүлэх ажлын үр дүн, түвшинг сайжруулах зорилгоор аймгийн Боловсрол, соёл урлагийн газар, Ерөнхий боловсролын сургуулийн захирал, цэцэрлэгийн эрхлэгч нарт 2017-2018 оны хичээлийн жилд хэрэгжүүлэн ажиллах үүрэг даалгавар өглөө. 1. Боловсролын тухай хуулийн 28 дугаар зүйлийн 28.1.1, Боловсролын шинэчлэлийн хүрээнд сурагч нэг бүрийг хөгжүүлэх зорилт тавьж, хүүхэд нэг бүрийн хөгжлийн суурь судалгааг гарган, багш, хүүхэд бүрийг хөгжүүлэх үндсэн үйл ажиллагааг тасралтгүй дэмжиж, сурлагын чанарыг ахиулах төлөвлөгөө гарган ажиллаж, ажлын үр дүнг хүүхэд бүр дээр гарсан ахиц амжилт, үр дүнгээр үнэлэн тооцох; 2. Боловсролын үнэлгээ чанарыг нэмэгдүүлэх тал дээр онцгой анхаарч Элсэлтийн ерөнхий шалгалтад шинэ хичээлийн жилээс эхлэн бэлтгэх, явцын дунд үр дүнг тооцох. Сурагчдын ахиц амжилтаар багш нарын үр дүнгийн урамшил, ур чадварын нэмэгдлийг олгох; 3. Боловсролын тухай хуулийн 35 дугаар зүйл Сургууль, цэцэрлэг бүрт эцэг эхийн зөвлөлийг байгуулж, тэдгээрийн үүрэг хариуцлагыг нэмэгдүүлэх, чиг үүргийн дагуу сургуулийн үйл ажиллагаанд тогтмол оролцуулж, хамтран ажиллах, харилцаа холбоог бэхжүүлэх ажлыг үр дүнтэй тогтмол зохион байгуулж хяналт тавьж ажиллах; 4. Сургуулийн өмнөх боловсролын тухай хуулийн 12 дугаар зүйлийн 12.8.1, 12.8.3, 13 дугаар зүйлийн 13.1.1, 13.1.2, багшийн ёс зүйн хэм хэмжээг сахиж биелүүлэх, .сургуулийн өмнөх боловсролын стандарт, сургуулийн өмнөх боловсролын сургалтын талаар баримтлах бодлогыг хэрэгжүүлж, заах арга, мэргэжлийн ур чадвараа тогтмол дээшлүүлэх, бүлгийн эрүүл ахуй, ариун цэврийн норм, нормативыг хангах, хүүхэд бүрийг асран халамжлах, эрүүл мэнд, ариун цэврийн зөв дадал, хэвшилтэй болоход туслах; 5. “Үдийн цай” хөтөлбөрийг хэрэгжүүлэх аж ахуйн нэгжийг сонгон шалгаруулах үйл ажиллагааг нээлттэй, ил тод зохион байгуулах, үдийн цай, хоол нь амин дэм, илчлэгтэй, эрүүл ахуйн шаардлага хангасан байх нөхцөлийг бүрдүүлж , дотоод хяналтыг сайжруулах; 6. Боловсролын тухай хуулийн 44 дүгээр зүйлийн 44.2 дахь заалт багшийн ёс зүй, нэр төрийг эрхэмлэн сахих, боловсролын стандартыг хэрэгжүүлэх, Бага ангийн багш нарыг аттестатчилах, багш нарын заах арга зүй, мэдлэг чадварыг дээшлүүлэх, хариуцлагагүй ажилласан Ерөнхий боловсролын сургуулийн багш, цэцэрлэгийн багш нарт шат шатанд нь арга хэмжээ авч ажиллахыг Боловсрол, соёл урлагийн газрын даргад үүрэг болгов.
2017/05/29
ТӨЛӨВЛӨЛТ, ТАЙЛАН ГАРГАХ АРГА ЗҮЙ ХЯНАЛТ-ШИНЖИЛГЭЭ, ҮНЭЛГЭЭ ХИЙЖ АЖИЛЛАХ ТАЛААР СУРГАЛТ ЗОХИОН БАЙГУУЛАВ
Дорноговь аймгийн Засаг даргын Тамгын газрын Хяналт шинжилгээ, үнэлгээ, дотоод аудитын хэлтээс 2017 оны 05 дугаар сарын 23-ны өдөр аймгийн Засаг даргын эрхлэх асуудлын хүрээний хэрэгжүүлэгч агентлагийн дарга, хяналт шинжилгээ, үнэлгээ хариуцсан мэргэжилтнүүдэд “Бодлогын баримт бичиг боловсруулах арга зүй, тайлан мэдээ гаргахад анхаарах зарим асуудлууд”, “Үр дүнд суурилсан хяналт шинжилгээ, үнэлгээний талаархи ойлголт” болон Монгол Улсын Засгийн газрын 2017 оны 89 дүгээр тогтоолоор батлагдсан “Бодлогын баримт бичгийн хэрэгжилт, захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”-ыг баримтлан тайлан гаргах, хяналт-шинжилгээ, үнэлгээ хийж ажиллах талаар сургалт зохион байгууллаа.
2017/05/09
ИХХЭТ СУМЫН ИТХ, ЗДТГ, БАГИЙН ЗДТГ, ЗАСАГ ДАРГЫН НӨӨЦ САНГИЙН ҮЙЛ АЖИЛЛАГААНД ТӨЛӨВЛӨГӨӨТ БУС ХЯНАЛТ ШАЛГАЛТ ХИЙВ
Монгол улсын “Төсвийн тухай хууль”-ийн 69 дүгээр зүйлийн 1 дэх заалт,” Төрийн хяналт шалгалтын тухай хууль”-ийн 5 дугаар зүйлийн 521 дэх заалт, Засгийн газрын 2015 оны 483-р тогтоолоор батлагдсан “Дотоод аудитын дүрэм”, Сангийн Сайдын 2016 оны “Стандарт батлах тухай” 107 дугаар тушаал, аймгийн Засаг даргын 2017 оны 1/649 тоот албан бичиг, Санхүүгийн хяналт, аудитын албаны даргын баталсан 07 тоот удирдамжийн дагуу Иххэт сумын ИТХурал, ЗДТГазар, Багийн ЗДТГазар, Засаг даргын нөөц сангийн 2015-2016 оны санхүү, аж ахуйн үйл ажиллагаанд Монгол улсын “Төрийн албаны тухай хууль”,”Төсвийн тухай хууль”,”Төрийн хяналт шалгалтын тухай хууль”,”Нягтлан бодох бүртгэлийн тухай хууль”,”Татварын багц хууль”, “Засаг захиргаа нутаг дэвсгэрийн нэгж,түүний удирдлагын тухай хууль”,“Төрийн болон орон нутгийн өмчийн тухай хууль”, ”Нийгмийн даатгалын багц хууль”, “Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хууль”-иуд болон холбогдох хууль, тогтоомж, дүрэм, журмын хүрээнд2017 оны 04–р сарын 12-ны өдрөөс 04-р сарын 18-ныг хүртэлх хугацаанд төлөвлөгөөт бус санхүүгийн хяналт шалгалтыг гүйцэтгэлээ.
2017/05/09
Аймгийн Нийгмийн халамжийн сангийн үйл ажиллагаанд хяналт шалгалт хийв
Монгол Улсын Сангийн Сайдын баталсан 2017 оны 02-р сарын 16-ны өдрийн нэгдсэн удирдамж, Дорноговь аймгийн Засаг даргын дэргэдэх Санхүүгийн хяналт, аудитын албаны даргын баталсан 05 тоот удирдамжийн дагуу Аймгийн Нийгмийн халамж, үйлчилгээний хэлтэс /хуучин нэрээр/ буюу Хөдөлмөр, Халамжийн үйлчилгээний газрын нийгмийн халамжийн сангийн 2016 оны бүрдүүлэлт, зарцуулалтын үйл ажиллагаанд Монгол улсын Нягтлан бодох бүртгэлийн тухай хууль, Төсвийн тухай хууль, Нийгмийн халамжийн тухай хууль, Ахмад настны нийгмийн хамгааллын тухай хууль, Хөгжлийн бэрхшээлтэй хүний эрхийн тухай хууль, Олон хүүхэд төрүүлж өсгөсөн эхийг урамшуулах тухай хууль, Монгол улсын баатар, хөдөлмөрийн баатар, ардын болон гавьяат цолтон ахмад настанд төрөөс олгох нэмэгдлийн тухай хууль,Засгийн газрын 2012 оны 185 дугаар тогтоол, 2015 оны 53 дугаар тогтоол, 2016 оны 293 дугаар тогтоол болон бусад холбогдох хууль, тогтоомж, дүрэм, журмын хүрээнд 2017 оны 03–р сарын 14-ний өдрөөс03-р сарын 31-нийг хүртэлх хугацаанд төлөвлөгөөт бус санхүүгийн хяналт шалгалтыг гүйцэтгэлээ.
2017/03/24
ГАМШГИЙН АЮУЛЫН ТУХАЙ ЗАРЛАН МЭДЭЭЛЭЛ ДАМЖУУЛАХ ҮЕИЙН ДАДЛАГА, СУРГУУЛИЛТ ЗОХИОН БАЙГУУЛАВ
Монгол Улсын Засгийн газрын 2011 оны 339 дүгээр тогтоолоор батлагдсан “Гамшгийн аюулын тухай зарлан мэдээллийн дохио дамжуулах журам”, Олон нийтэд тулгуурласан гамшгийн эрсдлийг бууруулах үндэсний хөтөлбөр”, "Гамшгаас хамгаалах төрөөс баримтлах бодлого хөтөлбөр"-ийн хүрээнд жил бүрийн 3 дугаар сарын 4 дэх долоо хоногийн Лхагва гараг буюу 03 дугаар сарын 23-ны өдөр аймгийн Онцгой байдлын газраас гамшгийн аюулаас хүн ам, эд хөрөнгийг урьдчилан сэргийлэх, аврах, хор уршгийг арилгах, хойшлуулшгүй сэргээн босгох үйл ажиллагааны үе шатанд гамшгаас хамгаалах алба, мэргэжлийн анги, аж ахуйн нэгж, байгууллага, сайн дурынхны хүч хэрэгслийг ашиглах болон иргэд, олон нийтийг гамшгаас хамгаалах бэлэн байдлын зэргүүдэд шилжүүлэн ажиллуулах зорилгоор гамшгийн аюулын тухай зарлан мэдээлэл дамжуулах үеийн дадлага, сургуулилтыг зохион байгуулав.
2017/03/17
ХӨДӨЛМӨР НИЙГМИЙН ЗӨВШЛИЙН ГУРВАН ТАЛТ ХЭЛЭЛЦЭЭР ХИЙЛЭЭ
Дорноговь аймгийн Засаг даргын Тамгын газар, аймгийн Үйлдвэрчний Эвлэлийн холбоо, Ажил олгогч эздийн холбоо хамтран Монгол Улсын Засгийн газрын болон аймгийн Засаг даргын үйл ажиллагааны хөтөлбөр, бодлого, шийдвэрийг хэрэгжүүлэн хөдөлмөр эрхлэлтийг нэмэгдүүлэх, хөдөлмөрийн харилцааг сайжруулах, хүн амын нийгмийн баталгааг хангах, амьдралын чанарыг сайжруулах хүчин зүйлүүдийг нэмэгдүүлэх, хүн амын амьдрах болон хөдөлмөрлөх эрх ашгийг хамгаалах зорилгоор Хөдөлмөр нийгмийн зөвшлийн 2017-2018 оны гурван талт хэлэлцээрийг хийлээ. Хэлэлцээрт аймгийн Засаг даргын орлогч Г.Эрдэнэцэцэг, АЗДТГ-ын хэлтсийн дарга нар, аймгийн Хөдөлмөр, халамжийн үйлчилгээний газрын дарга Д.Цэндмаа, аймгийн Ажил олгогч эздийн холбооны тэргүүн Д.Төмөртогоо, аймгийн Үйлдвэрчний Эвлэлийн холбооны дарга С.Азжаргал, Эрүүл мэнд, Нийгмийн бодлогын хэлтсийн дарга Л.Шагдарсүрэн болон холбогдох албаны хүмүүс оролцов.
2017/03/14
"Хутагтын хурд"-2017 уралдааны тойм
“Хутагтын хурд-2017” аймгийн хаврын бүсийн уралдаан амжилттай зохион байгуулагдлаа. Хурдан морины уралдааныг аймгийн Засаг даргын А/159 захирамжийн дагуу Сайншанд суманд азарга, их нас, соёолон 3 насны ангиллаар явуулсан бөгөөд засаг даргын захирамжид мал амьтны гоц халдварт өвчний голомттой буй Сүхбаатар, Хэнтий аймгуудын хурдан морьдыг уралдуулахыг хориглосон боловч морьд хайртай ард түмний хандлагыг өөрчилж чадсангүй. Тус уралдаанд Улаанбаатар хот, Дорноговь, Хэнтий, Говьсүмбэр, Сүхбаатар аймгийн уяачдын нийт 380 морьд уралдаж, 210 унаач хүүхэд оролцжээ. Уралдааны явцад 221 дугаартай, 066 дугаартай 8-10 насны хоёр хүүхэд унаж хөнгөн гэмтэл авсан ба эмчийн үзлэгт хамруулж эмнэлгийн анхны тусламжийг газар дээр үзүүлжээ. Энэ жилийн “Хутагтын хурд”-2017 уралдаанд амжилттай хурдаллаа.